Բեն Աֆլեքը Մեթ Դեյմոնին մեղադրել է փնթիության մեջ
Լուսանկարներ
Բեն Աֆլեքի նոր ռեժիսորական Air ֆիլմի գովազդային արշավի ժամանակ, որտեղ նա խաղում է Մեթ Դեյմոնի հետ, դերասանը հիշել է, թե ինչպես է ապրել գործընկերոջ հետ և մեղադրել է նրան փնթիության մեջ։ Այս մասին Աֆլեքը խոսել է երեկոյան շոուի հաղորդավար Ջեյմս Քորդենի համար տված հարցազրույցում։
Դերասանի խոսքով՝ իր կարիերայի սկզբում գումար խնայելու համար Աֆլեքը եղբոր՝ Քեյսիի և Մեթ Դեյմոնի հետ մեկ բնակարան է վարձել։ Pearl Harbor-ի աստղը հիշել է, որ իր լավագույն ընկերը շատ փնթի սենյակակից է։
Մի օր Աֆլեք եղբայրները որոշել են դաս տալ Դեյմոնին և միտումնավոր նրանից հետո չեն մաքրել բնակարանը, որպեսզի ստուգեն, թե երբ իրենց ընկերը կնկատի, որ սենյակը թափթփված է։
Երկու շաբաթ անց Աֆլեքը տեսել է, որ Դեյմոնը, աղբի կույտի մեջ նստած, խաղ է խաղում։
«Թվում է, թե դա նրան ընդհանրապես չի անհանգստացնում: Շուրջը պիցցայի տուփեր էին մնացորդներով ու կիսով չափ կերած սուշիով, որոնց մեջ արդեն հայտնվել էին թրթուրները։ Հետո մենք հասկացանք, որ չենք կարող հաղթել նրան և հանձնվեցինք»,- անկեղծացել է Աֆլեքը:
Ամենադիտված 
ՀՀ ՊՆ–ն հայտարարություն է տարածել
