Շունը փրկել է տիրուհուն դանակով հարձակված նախկին ընկերոջից

Շունն օգնել է տիրուհուն փախչել վերջինիս վրա դանակով հարձակված տղամարդուց։ Այս մասին հայտնում է Daily Star-ը։

Բրիտանիայի 30-ամյա բնակիչը դանակով հարձակվել է իր նախկին ընկերուհու վրա։ Նախկինում տղամարդը երկու անգամ ազատազրկվել է՝ նրան սպանելու փորձի համար։ Այս անգամ նա նորից փորձել է զինված հարձակում գործել, սակայն նրա ծրագիրը խափանվել է Ջեթ անունով շան կողմից։ Աղջկա ընտանի կենդանին հարձակվել է նրա նախկին ընկերոջ վրա։ Մինչ տղամարդը կռվում էր շան հետ, բրիտանուհուն հաջողվել է փախչել մոր մոտ։

Հայտնի է, որ զույգը հարաբերություններ է սկսել 2015 թվականին՝ ծանոթությունների կայքում զրուցելուց հետո։ Ժամադրությունները վերածվել են ութ տարվա հարաբերությունների, որոնք ուղեկցվում էին հաճախակի վիրավորանքներով և բռնության չմոտիվացված պոռթկումներով: Նշվում է, որ նախկինում դատապարտյալը բահով հարվածել է ընկերուհու գլխին, փորձել խեղդել նրան ու դանակով հարվածել՝ իրենց ընդհանուր երեխայի աչքի առաջ։

Դրանից հետո տուժածի մոտ ախտորոշվել է հետտրավմատիկ սթրեսային խանգարում։ Հաղորդվում է, որ նա տառապում է խուճապի նոպաներից և մղձավանջներից:

Ապրիլին տղամարդը դատապարտվել է 10 ամսվա ազատազրկման։ Նա իրեն մեղավոր է ճանաչել մեղադրանքների երկու կետով:

Աղջիկը հայտնել է, որ կենդանին նույնպես տուժել է, եւ հավելել է, որ մտադիր է գործը ուղարկել գլխավոր դատախազություն՝ դատարանի անհիմն մեղմ դատավճռի պատճառով։