Ռումինացի ծանրորդուհին կորցրել է գիտակցությունը, 1 րոպեում հավաքել ուժերը և նվաճել ոսկե մեդալ

Ռումինիան ներկայացնող ծանրորդ Անդրեա Կոտրուտան Երևանում ընթացող Եվրոպայի առաջնության ժամանակ կորցրել է գիտակցությունը, ինչը, սակայն, նրան չի խանգարել ոսկե մեդալ նվաճել։

Կոտրուտան 55 կգ քաշային կարգում հրում վարժությունում իր երկրորդ փորձի ժամանակ գիտակցությունը կորցնելուց հետո ընկել է մեջքի վրա։ Նրա մոտ շտապել է հերթապահ բժիշկը, սակայն ռումինուհին շուտով ոտքի է կանգնել, գրում է armsport.am-ը։

«Ես պարզապես չգիտեմ, թե ինչ է պատահել ինձ հետ», – ծանրորդուհու խոսքերն է մեջբերում Inside the Games-ը:

«Ես տեսա հրեշտակներ, տեսա մարդկանց, ովքեր թռչում էին դահլիճի շուրջը, և ես ընկա»:

Կոտրուտին ընդամենը 1 րոպե ուներ վերականգնվելու մինչև վերջին փորձը: 19-ամյա մարզուհու խոսքով՝ ինքը սենյակում ջուր է խմել, իսկ մարզիչն իրեն ուշքի է բերել։

«Ես ինքս ինձ ասացի, որ չեմ ձախողվի և կանեմ դա»,- ասել է ռումինացին։

Կիրակի օրը՝ ապրիլի 16-ին, Եվրոպայի առաջնության ժամանակ գիտակցությունը կորցրել էր նաև թուրք ծանրորդուհին։

Մանրամսները՝ սկզբնաղբյուրում։