ԵԱ․ Վազգեն Թեւանյանը հաղթեց ադրբեջանցի մրցակցին

Խորվաթիայի մայրաքաղաք Զագրեբում մեկնարկած ազատ ոճի ըմբշամարտի Եվրոպայի առաջնությունում Հայաստանի ներկայացուցիչ Վազգեն Թեւանյանը 65 կգ քաշային կարգի քառորդ եզրափակիչում գոտեմարտեց ադրբեջանցի Ալի Ռադիմզադայի հետ եւ պարտության մատնեց 4:1 հաշվով՝ դուրս գալով կիսաեզրափակիչ։

1/8 եզրափակիչում Վազգեն Թեւանյանը 10:0 հաշվով հաղթել էր Իսրայելի ներկայացուցիչ Ջոշուա Ստյուարտ Ֆինեսիլվեին:

Քառորդ եզրափակիչ է դուրս եկել նաեւ 79 կգ քաշային Արման Ավագյանը, որը1/8 եզրափակիչում 5:1 հաշվով հաղթանակի էր հասավ բուլղարացի Միխայիլ Իլեւ Գեորգեւի նկատմամբ:

Արման Ավագյանը կիսաեզրափակիչի ուղեգիրը կվիճարկի Ռումինիան ներկայացնող Մաքսիմ Վասիլիոգլոյի հետ:

Մրցումային առաջին օրը մրցագորգ դուրս եկած Եվրոպայի բրոնզե մեդալակիր Մանվել Խնձրցյանը որակավորման փուլում 5:8 հաշվով պարտվեց Բուլղարիան ներկայացնող Գեորգի Վանգելովին: 70 կգ քաշային կարգում Եվրոպայի փոխչեմպիոն Արման Անդրեասյանը մեկնարկային քառորդ եզրափակիչում 1:2 հաշվով պարտվեց մոլդովացի Վասիլ Դիակոնին: 97 կգ քաշային կարգում Մ23 Եվրոպայի բրոնզե մեդալակիր Սերգեյ Սարգսյանը 1/8 եզրափակիչում 0:8 հաշվով պարտվեց գերմանացի Էրիկ Սվեն Թայլեին:

Հաբեթնակ Կուրղինյանի գլխավորած հավաքականի կազմում ԵԱ-ին կմասնակցեն նաեւ Արսեն Հարությունյանը (61 կգ), Հրայր Ալիխանյանը (74 կգ) եւ Մուշեղ Մկրտչյանը (86 կգ), որոնք կմեկնարկեն ապրիլի 18-ից։

Ազատ ոճի ըմբշամարտի Եվրոպայի առաջնությունը կավարտվի ապրիլի 19-ին: