Երևանում «BMW»-ն բախվել է արտաքին լուսավորման սյանը` հայտնվելով տան պատի և ծառի արանքում

Ապրիլի 18-ին, ժամը 05:10-ին Ճգնաժամային կառավարման ազգային կենտրոն ահազանգ է ստացվել, որ Մայիսի 9-ը փողոցի վերջնամասում տեղի է ունեցել ՃՏՊ՝ ավտոմեքենան բախվել է արտաքին լուսավորման սյանը, ինչի հետևանքով սյունն ընկել է ավտոմեքենայի վրա․ տուժածներ չկան։

ՆԳՆ փրկարար ծառայությունից հայտնում են, որ դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Մայիսի 9-ի փողոցի տներից մեկի մոտակայքում «BMW» մակնիշի ավտոմեքենան (վարորդ՝ Գ. Հ.) դուրս է եկել ճանապարհի երթևեկելի գոտուց և բախվել արտաքին լուսավորման սյանը` հայտնվելով տան պատի և ծառի արանքում։

Փրկարարներն ավտոմեքենան դուրս են բերել երթևեկելի հատված։