Համարձակ կինը փրկել է ամուսնուն կոկորդիլոսի երախից

Հնդկաստանի Ռաջաստան նահանգի Կարաուլի քաղաքում Վիմալ Բայը փրկել է 26-ամյա ամուսնուն՝ Բաննե Սինգհին կոկորդիլոսի երախից։ Այս մասին հայտնում է India Times-ը։

Սինգհն անցնում էր գետը երբ նրա վրա հանկարծակի հարձակվեց կոկորդիլոսը։ Գիշատիչը բռնել է տղամարդու ոտքից ու սկսել է քաշել դեպի ջուրը։ Նրա խիզախ կինը, ով կանգնած էր մոտակայքում, անմիջապես շտապել է օգնության։

Կինը վազելով մոտեցել է ամուսնուն և սկսել փայտով հարվածել կոկորդիլոսին, սակայն գիշատիչը շարունակում էր Սինգհին քաշել դեպի գետը։ Այնուհետև կինը փայտ է խրել գիշատչի աչքի մեջ, և նրան հաջողվել է ստիպել կենդանուն բաց թողնել իր ամուսնուն։

Սինգհը շնորհակալություն է հայտնել Բային իրեն փրկելու համար և նշել, որ նրա արարքը լավագույն նվերն է, որը ինքը երբևէ կարող էր ստանալ: Կինն իր հերթին ասել է, որ իր կյանքը կտա սիրելիին փրկելու համար։ «Ես մտածում էի միայն ամուսնուս կյանքը փրկելու մասին, ոչ թե իմ», - ասել է նա:

Սոցցանցերի օգտատերերը հիացած էին Բայի խիզախ արարքով, և նրանցից շատերը կոչ են արել կառավարությանը պարգևատրել նրան մրցանակով: «Դուք օրհնված եք։ Ռաջաստանը հերոսների և հերոսուհիների հող է, և այսօր մենք դրա ապացույցն ենք տեսնում»,- գրել է օգտատերերից մեկը։

Այս թեմայով Կոկորդիլոսը մտել է տուն և ողջ գիշերն անցկացրել քնած մարդու մահճակալի տակ Կոկորդիլոսին կասկածում են ձկնորսի առեղծվածային անհետացման մեջ Կոկորդիլոսը լողափում պառկած շանը քարշ է տվել ջրի տակ և տեսագրվել Տղամարդը կոկորդիլոսի ձվեր հավաքելիս հայտնվել է կոկորդիլոսի երախում Ձեռքը կորցրած ամերիկացին երեք օր շարունակ թաքնվել է ճահճում և ողջ մնացել