Նիկոլաս Քեյջը կոչ է արել մարդկանց բզեզներ ուտել

Ամերիկացի դերասան Նիկոլաս Քեյջը կարծում է, որ միջատներով դիետան կարող է լուծել սովի գլոբալ խնդիրը և կոչ է արել դրանք ուտել հանուն ընդհանուր բարօրության։ Նա բզեզներ ուտելու մասին իր մտքերով կիսվել է Yahoo Entertainment-ի հետ։

«Եթե ձերբազատվեք միջատների վախից և ֆոբիայից, ապա կարող եք լուծել սովի խնդիրը ամբողջ աշխարհում։ Սպիտակուցների բարձր մակարդակ, առանց ճարպերի, գերազանց սննդարար նյութեր: Եվ ամենակարեւորը՝ դրանք ամենուր են»,- խոսել է արտիստը բզեզների օգտակարության մասին։ Սակայն նա խոստովանել է, որ դա երբեք տեղի չի ունենա։

Հարցազրույցի համար անսովոր թեման ծագել է «Ռենֆիլդ» ֆիլմի քննարկման ժամանակ, որի համաշխարհային պրեմիերան կայացավ 2023 թվականի մարտին։ Ըստ սցենարի՝ գլխավոր դերակատար Նիկոլաս Հուլթը պետք է ուտեր բզեզներ՝ ծղրիդներ և կարտոֆիլի բզեզներ։ Դա հիշեցնում էր, թե ինչպես է Քեյջը նաև կենդանի ուտիճներ կերել 35 տարի առաջ՝ հանուն «Վամպիրի համբույրի» համար հրաշալի կադրի: «Այլևս երբեք չեմ անի դա: Ափսոսում եմ, որ ընդհանրապես դա արեցի», - խոստովանել է Քեյջը: