Իրանում բարձրաստիճան հոգևորական է սպանվել

Այսօր Իրանի հյուսիսում գտնվող Մազանդարան նահանգում սպանվել է բարձրաստիճան հոգևորական այաթոլլա Աբբաս Ալի Սոլեյմանին, գրում է The Washington Post-ը:

Հանցագործությունը կատարվել է Բաբոլսեր քաղաքում։ Ոստիկանները ձերբակալել են հարձակվողին։

Իրանի պետական ​​հեռուստատեսության փոխանցմամբ՝ այաթոլլա Սոլեյմանին եղել է քաղաքի բանկերից մեկում, երբ մի տղամարդ հանել է անվտանգության աշխատակցի ատրճանակը և կրակ բացել բանկի աշխատակիցներից մեկի ուղղությամբ։ Միջադեպի հետևանքով՝ Սոլեյմանին մահացել է։

Այաթոլլա Սոլեյմանին մինչև վերջերս ծառայում էր՝ որպես Իրանի գերագույն առաջնորդ այաթոլլա Ալի Խամենեիի ներկայացուցիչ։