Իրանում բարձրաստիճան ոստիկան է սպանվել

Սիստան և Բելուջիստան նահանգի հարավարևմտյան Սարավան շրջանի ոստիկանության քրեական հետախուզության բաժնի պետը զոհվել է զինված հարձակման հետևանքով, գրում է Mehr-ը։

Իրանական Nour News-ը, որը կապված է երկրի Ազգային անվտանգության բարձրագույն խորհրդի հետ, կիրակի առավոտյան հայտնել է, որ անհայտ զինված անձինք կրակել են Իրանի ոստիկանության քրեական հետախուզության վարչության Սարավանի պետի մեքենայի վրա:

Հաղորդագրության համաձայն՝ մայոր Ալի Ռեզա Շահրաքին զոհվել է, իսկ կինը՝ ծանր վիրավորվել։

Ոստիկանությունը հայտարարել է, որ հարձակման հեղինակների բացահայտման հարցը օրակարգում է։