Արտակ Գալստյանի ցանկությամբ ստանձնել եմ վերջինիս շահերի պաշտպանությունը. Լևոն Բաղդասարյան

Արտակ Գալստյանի ցանկությամբ ստանձնել եմ վերջինիս շահերի պաշտպանությունը, այս մասին հայտնում է փաստաբան  Լևոն Բաղդասարյանը։
Ծառայությունը մատուցվում է վճարովի հիմունքներով, առկա է պայմանագիր։

Արձանագրում եմ, որ Արտակ Գալստյանի շահերի պաշտպանությունն Արտակ Գալստյանի ցանկությամբ իրականացնում են նաև  այլ փաստաբաններ, կարծես, անվճար հիմունքներով, որոնք կապ չունեն և չեն էլ կարող ունենալ իմ կողմից ղեկավարվող փաստաբանական գրասենյակի, կնքած լոկալ իրավական ակտ համարվող պայմանագրային դրույթների հետ, և թույլ էլ չեմ տա։

Յուրաքանչյուր փաստաբան ինքն է որոշում իր աշխատանքի գինը։
Ծառայությունն ունի գին։
Եթե իմ գործընկերները որոշել են անվճար սպասարկում իրականացնել, դա իրենց որոշումն է, և, ինչպես վերը նշեցի, այն իմ կողմից կատարվում է վճարովի հիմունքներով՝ համաձայն պայմանագրի։