Առաջարկում եմ ՊՊԿ-ի մոդելը, եթե չաշխատեց, հրաժարական տվեք. Արթուր Թովմասյանն՝ Արցախի նախագահին
ՔաղաքականԱրցախի խորհրդարանի նիստի ժամանակ այսօր՝ մայիսի 18-ին, ԱԺ նախագահ Արթուր Թովմասյանը հանդես եկավ հայտարարությամբ՝ դիմելով երկրի նախագահ Արայիկ Հարությունյանին:
Նա, մասնավորապես, նշեց. «Պարոն նախագահ, ես երբեք չեմ խառնվել ձեր գործերին, Դուք չեք խառնվել ԱԺ-ի գործերին: Ես մոդել եմ առաջարկել, այդ մոդելը հետեւյալն է՝ ոչ թե ամորֆ մարմին եմ առաջարկել, այլ այն մարմինն եմ առաջարկել, որը մեզ փրկել է 1990-ական թվականներին: Դա պետական պաշտպանության կոմիտեն է:
Երկրի նախագահին առաջարկել եմ այդ մարմնում երկու մարդու: Ես չգիտեմ նրանց կարծիքը, շատ հնարավոր է՝ նրանք հրաժարվեն: Առաջարկել եմ Ռուբեն Վարդանյանին եւ Սամվել Բաբայանին: Ինչո՞ւ հարցեր մի տվեք:
Պարոն Նախագահ, եթե այդ մոդելը չաշխատեց, ես կարող է կյանքում առաջին անգամ որեւէ մեկին ցավ պատճառեմ. հրաժարականի դիմում ներկայացրեք, պարոն նախագահ կամ դրեք ձեր վստահության հանրաքվեն: Եթե ժողովուրդը ձեզ չի վստահում, ապա կհեռանաք: Դա չի նշանակում, որ եթե դուք հրաժարական տաք, Արթուր Թովմասյանը լինելու է Արցախի նախագահի պաշտոնակատար: Եթե ժողովուրդը ձեզ չվստահեց, ապա ես էլ եմ հեռանում»:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
