Տուժել է 87, զոհվել՝ 10 մարդ, արձանագրվել է ինքնասպանության փորձի 6 դեպք․ ՓԾ-ն ամփոփում է շաբաթը

Մայիսի 15-ից 21-ը ՆԳՆ ՓԾ ճգնաժամային կառավարման ազգային կենտրոնում գրանցվել է 428 դեպք, որից 111-ը՝ արտակարգ: Այս մասին հայտնում են ՆԳՆ ՓԾ ճգնաժամային կառավարման ազգային կենտրոնից։

Հրապարակված տվյալների համաձայն՝ արձանագրվել է, մասնավորապես, հրդեհի՝ 47, փլուզման՝ 2, քարաթափման, երկաթգծի ուղիներին պատահարի, վայրի կենդանիների հարձակման, դիակի հայտնաբերման, պայթուցիկ սարքերի տեղադրման, դժբախտ պատահարի՝ 1-ական, որոնողափրկարարական, ուժեղ քամու՝ 3-ական, օձի նկատման՝ 25, թունավորման, ինքնասպանության փորձի՝ 6-ական, ճանապարհատրանսպորտային պատահարի՝ 48, ինչպես նաև՝ կենցաղային կանչի՝ 184, կեղծ ահազանգի՝ 9, հրդեհի ծագման սպառնալիքի՝ 20, հրդեհի կեղծ կանչի՝ 24 և 45 այլ դեպքեր:

Եղանակային պայմաններով և այլ գործոններով պայմանավորված գրանցվել է տրանսպորտային միջոցների արգելափակման 11 դեպք: Փրկարարներն օգնություն են ցուցաբերել 18 քաղաքացու և անվտանգ տարածք տեղափոխել ավտոճանապարհներին արգելափակված 11 տրանսպորտային միջոց:

Նախորդ շաբաթվա ընթացքում տուժել է 87, զոհվել՝ 10 մարդ: Փրկարարական գործողությունների արդյունքում փրկվել է 2 մարդ: