Հայտնի է՝ ինչպիսին է լինելու iPhone 15-ը (լուսանկարներ, տեսանյութ)

Նոր iPhone-ի թողարկումից առաջ հեռախոսի պատյաններ արտադրողները մեծ ներդրումներ են կատարում՝ գտնելու թարմացված դիզայնի մասին արտահոսած տեղեկատվությունը, որպեսզի առաջինը թողարկեն համապատասխան պատյաններ: Այս տարի իրավիճակը չի փոխվել, և iPhone 15-ի բոլոր չորս մոդելների մակետները հայտնվել են MacRumors-ի լրագրողների ձեռքում։

Ըստ տեղեկատվության՝ առաջին հայացքից iPhone 15-ը, iPhone 15 Plus-ը, iPhone 15 Pro-ն և iPhone 15 Pro Max-ը շատ նման են իրենց նախորդներին, սակայն կան տարբերություններ:

Այսպիսով, հիմնական նորամուծությունը կլինի Lightning պորտի փոխարինումը USB-C-ով։ Բացի այդ, պատյանի եզրերն այնքան հարթ չեն, որքան նախորդ մոդելներում՝ Apple-ը մի փոքր կլորացրել է անկյունները, ինչի արդյունքում՝ գաջեթների օգտագործումն ավելի հարմար է դարձել, և անջատիչը վերածվել է կոճակի: Եվ վերջապես, բոլոր չորս iPhone-ները 2023-ին կունենան Dynamic Island iPhone 14-ի սովորականի փոխարեն:

Մոտ չորս ամիս է մնացել iPhone 15-ի մոդելների դեբյուտին, ինչը նշանակում է, որ դիզայնն ավարտված է, և Apple-ը շուտով կսկսի զանգվածային արտադրությունը։ Պաշտոնական շնորհանդեսը սպասվում է աշնանը։