Շվեդիայում պարային հեռուստաշոուի օպերատորը տեսախցիկով նոկաուտի է ենթարկել էկոակտիվիստին (տեսանյութ)

Շվեդիայում «Պարեր աստղերի հետ» հեռուստատեսային շոուն նկարահանելիս բնապահպան ակտիվիստները որոշել են խափանել դահուկավազքի եռակի օլիմպիական չեմպիոն Շարլոտ Կալլայի եզրափակիչ ելույթը:

Միջադեպի տեսանյութն արագորեն տարածվել է սոցիալական ցանցերում ու դարձել վիրուսային, սակայն դրա պատճառը բուն ակցիան չէր, այլ անսպասելի միջադեպը։

Ինչպես երևում է հրապարակված կադրերում, երեք երիտասարդներ դուրս են վազել բեմ և սկսել դեղին փոշի ցրել շուրջը։

Երբ նրանցից մեկը բացել է «Մտածեք շրջակա միջավայրի մասին» կոչով պաստառը, կռունկի վրա գտնվող տեսախցիկը հարվածել է նրան, ինչի արդյունքում ակտիվիստը հայտնվել է գետնին։

Արդյունքում ակցիայի բոլոր մասնակիցները բերման են ենթարկվել անվտանգության աշխատակիցների կողմից, իսկ Կալլան իր գործընկեր Թոբիաս Կառլսոնի հետ զբաղեցրել է երկրորդ տեղը։