Ուղևորը բացել է ինքնաթիռի դուռը թռիչքի ժամանակ. նրան սպառնում է մինչև 10 տարվա ազատազրկում (տեսանյութ)

Կորեայի Ջեջու քաղաքում «Asiana Airlines» ավիաընկերության ինքնաթիռի դուռը բացվել է չվերթն իրականացնելիս, գրում է New York Post-ը։

Կիրակի օրը ինքնաթիռի 33-ամյա ուղեւորը ձերբակալվել է ավիացիոն անվտանգության օրենքը խախտելու համար։ Նրան այժմ սպառնում է մինչև 10 տարվա ազատազրկում:

Ըստ լրատվամիջոցի՝ տղամարդը ոստիկաններին ասել է, որ դուռը բացել է 213 մետր բարձրության վրա, քանի որ իրեն վատ էր զգում և ցանկանում էր որքան հնարավոր է շուտ դուրս գալ ինքնաթիռից։ Բացի այդ, ուղեւորը դժգոհել է սթրեսից՝ վերջերս կորցրած աշխատանքի պատճառով։

Միջադեպի հետևանքով ինը մարդ տեղափոխվել է տեղի հիվանդանոց, բոլորը դուրս են գրվել: Ինքը՝ ձերբակալվածը, զղջում է իր արարքի համար։