Ռեփեր Megan Thee Stallion-ին կասկածում են «Ինտերի» խաղացողի հետ սիրավեպի մեջ

Ռեփեր Megan Thee Stallion-ը իտալական «Ինտերի» խաղացող Ռոմելու Լուկակուի հետ սիրավեպի մասին լուրերի առիթ է տվել։ Այս մասին հայտնում է TMZ-ն։

Լուկակուին և Մեգան Թի Ստալյոնին միասին նկատել են ֆուտբոլիստ Լաուտարո Մարտինեսի և մոդել Ագուստինա Գանդոլֆոյի հարսանիքին։ Նրանք միասին են նստել սեղանի շուրջ, ակտիվ շփվել ու միասին դուրս եկել փողոց։

Հայտնի է, որ Մեգանին նկատել են մի քանի շաբաթ առաջ «Ինտերի» խաղի ժամանակ։

Ռոմելու Լուկակուն նախկինում հինգ տարի հարաբերությունների մեջ է եղել մոդել Սառա Մենսի հետ, ում հետ ունի հինգ և մեկ տարեկան որդիներ։