Կանադայում տեսախցիկը «վհուկների» մասնակցությամբ սարսափազդու կադրեր է ֆիքսել (տեսանյութ)
Տեսանյութեր36-ամյա Կորինեա Սթենհոուփը Kennedy News-ին պատմել է, որ ձիավարելիս է եղել իր կալվածքում, երբ հայտնաբերել է եղնիկի դի։ Դրանից հետո նա և իր պապը տեսախցիկ են տեղադրել այնտեղ։ Ավելի ուշ տեսագրությունը դիտելիս նրանք ապշել են՝ տեսնելով, թե ինչպես են երկու գրեթե մերկ կերպարներ ինչ–որ բան անում սատկած կենդանու հետ:
«Ես չգիտեմ, թե դա ինչ էր», - ասել է Սթենհոուփը: «Դա իսկապես սարսափեցրեց մեզ, դա այն չէ, ինչ ամեն օր կարող ես տեսնել»:
Տեսանյութում պատկերված կերպարներից առնվազն մեկը կին է, և նրանց մարմնի ինտիմ հատվածքները ծածկված են լաթի կտորներով։ «Կարծես նրանք կեղծամներով են», - նշել է Սթենհոուփը:
Կադրերում երևում է, որ նրանցից մեկը դեմքին է պահել եղնիկի սմբակը:
«Ես չգիտեմ՝ նա համբուրում էր այն, հոտ էր քաշում, թե ուտում էր, բայց նման նեխած դիակին դիպչելը զզվելի է», - հավելել է Սթենհոուփը:
Սթենհոուփն ասում է, որ հույս ունի, որ միջադեպը կատակ է եղել, և ինքը չի կապվել իշխանությունների հետ տեսանյութի վերաբերյալ, քանի որ նրա պապը նշել է, որ այդ մարդիկ «տեխնիկապես» անօրինական ոչինչ չեն արել:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
