Queens Of The Stone Age-ի մենակատար Ջոշ Հոմը հայտնել է, որ պայքարում է քաղցկեղի դեմ (տեսանյութ)

Երգիչ և կիթառահար Ջոշ Հոմը հայտնել է, որ 2022 թվականին իր մոտ քաղցկեղ են ախտորոշել։ Նրա խոսքերը մեջբերում է NME-ն։

The Queens Of The Stone Age խմբի մենակատարը հայտնել է, որ վիրահատության է ենթարկվել՝ հեռացնելով ուռուցքը, և այժմ գտնվում է վերականգնողական փուլում։ «Ես չափազանց երախտապարտ եմ այս ամենի միջով անցնելու համար, հիվանդությունն ինձ ավելի լավ մարդ է դարձրել: Շատ բաներ կան, որոնք ես նախատեսում եմ անել ժամանակ ունենալու դեպքում», - կիսվել է Հոմը:

Երաժիշտը չի հստակեցրել, թե քաղցկեղի ինչ ձև է իր մոտ ախտորոշվել։ Հիվանդության դեմ պայքարի պայմաններում նա մտադիր չէ դադարեցնել Queens Of The Stone Age-ի հետ հյուրախաղերը։ Խմբի անդամները հայտարարել են The End Is Nero կոչվող հյուսիսամերիկյան շրջագայության մասին, որը մեկնարկում է օգոստոսին: Queens Of The Stone Age-ը հունիսի 25-ին ելույթ կունենա նաև բրիտանական Գլաստոնբերի քաղաքում։

Ջոշ Հոմը հիմնել է Queens Of The Stone Age-ը 1998 թվականին: Նույն թվականին թողարկվեց խմբի դեբյուտային ալբոմը։ 2009 թվականին արտիստը Դեյվ Գրոլի և Ջոն Փոլ Ջոնսի հետ հիմնել է նաև Them Crooked Vultures նոր նախագիծը, որտեղ նա հանդես է գալիս որպես վոկալիստ և կիթառահար։