Քոնոր Մաքգրեգորը 4-րդ անգամ հայր կդառնա (լուսանկարներ, տեսանյութ)

UFC մարտիկ և երկու կարգերում նախկին չեմպիոն Քոնոր Մաքգրեգորը և նրա սիրելին՝ Դի Դևլինը, չորրորդ անգամ ծնողներ կդառնան։ Այս մասին Մաքգրեգորը հայտարարել է  Live with Kelly and Mark-ի եթերում։ «Ես երեք երեխա ունեմ՝ երկու տղա և մեկ աղջիկ»,- ասել է մարզիկը։ «Իմ ավագ որդին՝ Քոնոր կրտսերը, վեց տարեկան է, աղջիկս՝ Քրոյը, չորս տարեկան է, իսկ կրտսեր տղաս՝ Ռիանը, հենց նոր դարձավ երկու տարեկան: Այնպես որ, ամեն ինչ լավ է ընթանում»,- ասել է նա: «Եվս մեկը ճանապարհին է», - ավելացրել է աստղը:

Հիշեցնենք, որ Քոնոր Մաքգրեգորն ու Դի Դևլինը միասին են 2008 թվականից։ Նրանք ծանոթացել են գիշերային ակումբում, երբ Քոնորը դեռ սուպերաստղ չէր: «Նա կարողացավ ինձ ծիծաղեցնել առաջին ժամադրության ժամանակ, նա միշտ պատրաստ է ուրախացնել ինձ, և ինձ համար դա կարևոր է», - հիշում է Դևլինը: