Համերգի ժամանակ երկրպագուն հեռախոսը նետել է երգչուհի Բիբի Ռեքսայի դեմքին (տեսանյութ)

Բիբի Ռեքսան վնասվածք է ստացել Նյու Յորքում համերգի ժամանակ։ Սոցցանցերում տարածվել է մի տեսանյութ, որտեղ երևում է, թե ինչպես է երկրպագուն հեռախոսը նետում երգչուհու դեմքին:

33-ամյա աստղը ելույթ է ունեցել իր «Best F'n Night Of My Life» շրջագայության շրջանակներում։ Հանկարծ երկրպագուներից մեկը հեռախոս է նետել արտիստի վրա։ Նա ցնցված ծնկի է իջել: Երգչուհուն օգնության են հասել նրա թիմի անդամները։ Ավելի ուշ պարզվել է, որ երգչուհին ճակատի պատռվածք է ստացել, բժիշկները երեք կար են դրել։

Սոցցանցերի օգտատերերը վրդովված են երկրպագուի նման արարքից։ «Բիբին բառացիորեն երաժշտական ​​ինդուստրիայի ամենալավ և հանգիստ մարդկանցից մեկն է, նա դրան արժանի չէր: Ձեզանից ոմանք իսկապես պետք է նրան հանգիստ թողնեն»,- գրել է երկրպագուներից մեկը և ակնարկել, որ երկրպագուն, հնարավոր է, դիտմամբ է գաջեթը նետել երգչուհու դեմքին։

Առայժմ Ռեքսայի ներկայացուցիչները չեն մեկնաբանել միջադեպը։ Հայտնի է, որ հեռախոսը նետած երկրպագուն ձերբակալվել է։