Ալիգատորը հետապնդել է ձկնորսին լճակի մոտ և տեսագրվել (տեսանյութ)

ԱՄՆ-ում ալիգատորը դուրս է ցատկել լճակից, վազել տղամարդու հետևից և տեսագրվել, հայտնում է Fox Weather-ը։

Միջադեպը տեղի է ունեցել հունիսի 20-ին Հարավային Կարոլինայի Լոոուքանթրի շրջանում։ Ականատեսներից մեկի կատարած տեսագրությունում երևում է, թե ինչպես է ալիգատորը լողալով մոտենում լճակի ափին կանգնած տղամարդուն։ Ձկնորսը նկատում է սողունին ու սկսում հեռանալ ափից։ Այդ պահին գիշատիչը հմտորեն դուրս է գալիս ցամաք և հետապնդում նրան։

Տղամարդուն հաջողվել է փախչել ալիգատորից, որից հետո նա վերադարձել է լճակ։