Դերասանուհի Մարգո Ռոբին թափանցիկ զգեստով կեցվածք է ընդունել Time-ի շապիկի համար

Հոլիվուդյան դերասանուհի Մարգո Ռոբին «Բարբի» ֆիլմի մյուս աստղերի հետ հայտնվել է Time ամսագրի շապիկին։ Համապատասխան նկարները հրապարակվել են սոցցանցերում ամսագրի պաշտոնական էջում։

Դերասանուհի Մարգո Ռոբին տեսախցիկի առաջ կեցվածք է ընդունել թափանցիկ զգեստով։ Նրա հետ շապիկին հայտնվել են Հարի Նեֆը, Ալեքսանդրա Շիփը, Իսա Ռեյը և Քեյթ ՄակՔինոնը։ Լուսանկարի հեղինակը Կարլոտա Գուերոն է։

«Բարբի» ֆիլմը պատմում է հայտնի Բարբի տիկնիկի, նրա սիրելի Քենի և նրանց ընկերների արկածների մասին առասպելական Բարբիլենդում։ Ըստ սյուժեի՝ Բարբիին վտարել են Բարբիլենդից, և այժմ նա պետք է գնա իրական մարդկանց աշխարհ՝ նոր կյանք սկսելու։ Կատակերգության պրեմիերան նախատեսված է կինոթատրոններում 2023 թվականի հուլիսի 21-ին։