«Հրապարակ». Արայիկ Հարությունյանը դժվարին ընտրության առջեւ է կանգնած
Հայկական Մամուլ
«Հրապարակ» թերթը գրում է. «Արցախի նախագահ Արայիկ Հարությունյանն այսօր կայցելի ԱՀ խորհրդարան, հերթական նիստի օրակարգում, ի թիվս այլ հարցերի, ներառված է նաեւ Արցախի նախագահի 2022 թ․ գործունեության միջոցառումների ծրագրի ընթացքի, արդյունքների եւ 2023 թ. միջոցառումների ծրագրի վերաբերյալ հաղորդումը, որը ներկայացնում է նախագահը։
ԱՀ մեր աղբյուրներից տեղեկացանք, որ ընդդիմությունը մարտական է տրամադրված՝ ԱՀ նախագահից պարզաբանումներ են պահանջելու Արցախում ստեղծված ճգնաժամի եւ դրանց լուծման հնարավորությունների վերաբերյալ։
Հիշեցնենք, որ արդեն մոտ երկու շաբաթ է՝ ադրբեջանցիներն արգելում են հումանիտար բեռների փոխադրումն Արցախ։ Իսկ Արցախի իշխանությունները, մասնավորապես՝ նախագահը, կոչ կամ ուղերձ չեն հղել արցախցիներին՝ պարզաբանելու, թե ինչ է սպասվում իրենց։
Որոշ գնահատականներով՝ Հարությունյանը դժվարին ընտրության առջեւ է կանգնած. Հայաստանը նրանից պահանջում է կա՛մ ուղիղ երկխոսություն սկսել Բաքու-Ստեփանակերտ ֆորմատով, կա՛մ հաշտվել այն բանի հետ, որ Արցախի ժողովրդին պետք է տարհանեն իր բնօրրանից»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
