Շնաձուկը հարձակվել է ձեռքերը լվացող ձկնորսի վրա և նրան քարշ տվել ջրի մեջ (տեսանյութ)

ԱՄՆ-ում շնաձուկը հարձակվել է տղամարդու վրա, ով ձկնորսության ժամանակ ձեռքերը լվանում էր ջրում։ Այս մասին հայտնում է Yahoo News-ը։

Միջադեպը տեղի է ունեցել ուրբաթ՝ հունիսի 23-ի առավոտյան, Ֆլորիդայի Էվերգլեյդս ազգային պարկում։ Տղամարդը ձեռքերը լվանում էր ջրում, երբ ջրի երեսին հայտնվել է բութ քթով շնաձուկը։ Գիշատիչը հարձակվել է ձկնորսի վրա, բռնել նրա ձեռքն ու քարշ տալ ջրի մեջ։
Մյուս ձկնորսները, ովքեր գտնվում էին նավի վրա, գոռալով օգնության են շտապել տուժածին և կարողացել են նրան հետ քաշել նավի վրա: Դրանից հետո նրանք շտապօգնություն են կանչել ու լողալով հասել ափ։ Բուժաշխատողները տուժածին ուղղաթիռով տեղափոխել են հիվանդանոց։

Շնաձկան հարձակումը տեսագրվել է, տեղադրվել է սոցիալական ցանցում և հավաքել հարյուր հազարավոր դիտումներ։