Չինաստանը վերահսկում է Բայդենին. Թրամփ

Ամերիկյան վարչակազմի ղեկավար Ջո Բայդենը գտնվում է Չինաստանի լիակատար վերահսկողության տակ։ Նման կարծիք է հայտնել Միացյալ Նահանգների նախկին նախագահ Դոնալդ Թրամփը, գրում են միջազգային ԶԼՄ-ները։

Ելույթ ունենալով Նյու Հեմփշիրում տեղի ունեցած միջոցառման ժամանակ՝ նա նշել է, որ ԱՄՆ ներկայիս վարչակազմը չի արձագանքում Կուբայում Չինաստանի գործունեության մասին հաղորդագրություններին՝ դա կապելով գործող նախագահի ընտանիքի կողմից չինական ընկերություններից ենթադրյալ գումարներ ստանալու հետ:

«Ջո Բայդենը ինքնավստահ նախագահ է։ Չինաստանում գիտեն, թե որքանով է դա վտանգավոր: Նրանք լիակատար վերահսկողություն ունեն նրա վրա։ Չինաստանը վերահսկում է Բայդենին»,- ասել է Թրամփը։

Նա հավելել է, որ պետական ​​բարձրագույն պաշտոնում իր վերընտրվելու դեպքում Պեկինից կպահանջի երկու օրում Կուբայից հեռացնել ռազմական ու հետախուզական ողջ տեխնիկան։