Վեց դուստրերի մայրը որոշել է բաժանվել իրենից որդի պահանջող ամուսնուց և մերժում է ստացել
Այլ
Չինաստանի Հունան նահանգի դատարանը հրաժարվել է թույլատրել վեց դուստրերի մոր ամուսնալուծվել ամուսնուց, որը պահանջում էր, որ պետք է շարունակեն երեխաներ ունենալ այնքան ժամանակ, մինչև որ որդի կունենան։ Այս մասին հայտնում է South China Morning Post-ը։
Սյուն անունով կինն ամուսնացած է Օու անունով տղամարդու հետ: Ամուսնության ընթացքում չինուհին վեց դուստր է ունեցել, սակայն ամուսինը պահանջել է, որ նա շարունակի երեխաներ ունենալ այնքան ժամանակ, մինչև որ որդի կունենան։ 2019 թվականի հոկտեմբերին Սյունը փախել է ծնողների մոտ։ Այդ ժամանակից ի վեր նա չի շփվել Օուի և իրենց դուստրերի հետ։
2023 թվականի հունիսին չինուհին որոշել է ամուսնալուծվել և դրա համար միջնորդություն է ներկայացրել տեղի դատարան։ Նա հայտարարել է, որ իր ամուսնությունը փլուզվել է։ Չնայած դրան՝ չինուհուն մերժել են։
Դատարանը որոշել է, որ կինը պետք է վերադառնա տուն՝ ընտանիքի հոգսերը հոգալու համար։
Այս պատմությունը քննադատության ալիք է բարձրացրել։ Չինական Weibo սոցիալական ցանցի օգտատերերը թողել են ավելի քան 12000 մեկնաբանություն։ «Կարծես դատավորը կորցրել է խելքը: Նա կործանում է այս կնոջ կյանքը»,- գրել է օգտատերերից մեկը։
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
