ԵԽ. Դավիթ Չալոյանը լքեց պայքարը

Լեհաստանի Կրակով քաղաքում անցկացվող Եվրոպական խաղերի ծրագրով բռնցքամարտի մրցաշարում Հայաստանի վերջին ներկայացուցիչ Դավիթ Չալոյանը պարտություն կրեց եւ լքեց պայքարը, հաղորդում է Sport.news.am–ը:

Կարեն Աղամալյանի գլխավորած հավաքականից պայքարի մեջ մնացած Դավիթ Չալոյանը +92 կգ քաշայինների քառորդ եզրափակիչում մենամարտեց Մեծ Բրիտանիան ներկայացնող Ջաստի Դելիկիուս Օրիեի հետ եւ 0:5 հաշվով պարտություն կրեց: Աշխարհի փոխչեմպիոնը եւս լքեց պայքարը:

Կարեն Աղամալյանի գլխավորած հավաքականը պարտություններով ավարտեց պայքարը Եվրոպական խաղերում: Օլիմպիական ուղեգիր նվաճելու հնարավորություն ունեցող բոլոր մասնակիցները պարտվեցին քառորդ եզրափակիչներում:

Հիշեցնենք, որ Եվրոպական խաղերը օլիմպիական վարկանիշային էին բռնցքամարտիկների համար։