Բժիշկը գնահատել է Մադոննայի ապաքինման հնարավորությունը

Ամերիկացի 64-ամյա երգչուհի Մադոննայի մոտ կարող էր սեպսիս զարգանալ բակտերիալ վարակի ֆոնին, ենթադրել է բժիշկ, NBC-ի բժշկական թղթակից Նատալի Ազարը։

Նա պարզաբանել է, որ ամենից հաճախ բակտերիաներն ազդում են թոքերի, միզուղիների համակարգի, մաշկի և աղեստամոքսային տրակտի վրա։

«Սովորաբար, բժիշկները մարդուն ուղարկում են ինտենսիվ թերապիայի այս դեպքում, եթե հիվանդի մոտ զարգացել է կամ կարող է զարգանալ սեպսիս՝ կյանքին սպառնացող վիճակ, երբ իմունային համակարգը չափազանց սուր է արձագանքում վարակին», - ասել է նա:

Ազարը նշել է, որ Մադոննան, ամենայն հավանականությամբ, կբուժվի լայն սպեկտրի հակաբիոտիկներով: Միաժամանակ, երգչուհու ապաքինման հավանականությունը մեծ է, կարծում է բժիշկը։

«Վերականգնումը կարող է տևել մի քանի շաբաթից մինչև մեկ ամիս, բայց նա առողջ կին է, բուժումը ժամանակին է սկսվել, հավանաբար ամեն ինչ լավ կլինի»,- եզրափակել է նա։

Հունիսի 28-ին Մադոննայի մենեջերը հայտնել է, որ նրան հիվանդանոց են տեղափոխել հունիսի 24-ին։ Գայ Օսիրին պատմել է, որ երգչուհու մոտ առաջացել է «լուրջ» բակտերիալ վարակ, ինչի պատճառով նա մի քանի օր անցկացրել է վերակենդանացման բաժանմունքում։