«Վերջին մի քանի օրը գերլարված էր իմ ու ընտանիքիս համար». Հասմիկ Խոջյան (լուսանկարներ)

Դերասանուհի Հասմիկ Խոջյանի հայրիկին տեղափոխել են հիվանդանոց։

Դերասանուհին ինստագրամյան իր էջում լուսանկարներ է հրապարակել, որոնց կից գրառմամբ անդրադարձել է հոր առողջական վիճակին։

«Վերջին մի քանի օրը գերլարված էր իմ ու ընտանիքիս համար.... Աստված առաջ։ Դժվար օրեր են.... բայց հույս ունեմ շուտ կհաղթահարենք։

Լավ նորություն կա։ Հայրս դեռ վերակենդանացման բաժնում է, բայց ի տարբերություն նախորդող մի քանի օրվա, այսօր բժշկի խոսքերը հուսադրող էին, ըստ երեկ գիշերվա կատարած հետազոտությունների։ Իհարկե դեռ շատ երկար ճանապարհ պետք է անցնենք, բայց գոնե էս անհույս վիճակից հետո էս 0.1%-ն էլ խիստ հուսադրող է։ Օրվա ընթացքում պապայի մոտ մտնում ենք 5-10 րոպեով՝ նախապես գրանցվելու պայմանով։ Հայրիկիս միացրած է թթվածնային սարք, չի խոսում, չի շարժվում, բայց այսօր լսում էր ասածներս ու ռեակցիա էր տալիս։

Շնորհակալ եմ բոլորիդ՝ նամակներս ու ձեր բարի մաղթանքները չեն դադարում ու բոլորիդ աղոթքները տեղ են հասնում... Դուք ինձ ուժ եք տալիս ու մեծացնում եք հավատս։ Եղեք առողջ ու շատ ժամանակ անցկացրեք ձեր հարազատների հետ, քանի դեռ ունեք այդ հնարավորությունը»,- գրել է Հասմիկը։