Փարիզում բողոքի ցույցերի ֆոնին՝ Մակրոնին տեսանկարել են Էլթոն Ջոնի համերգին զվարճանալիս (լուսանկարներ, տեսանյութ)

Ֆրանսիայի նախագահ Էմանուել Մակրոնին և նրա կնոջը՝ Բրիջիթին, չորեքշաբթի օրը նկատել են Էլթոն Ջոնի համերգի ժամանակ զվարճանալիս, երբ երկրում բռնկվել են բողոքի ցույցեր՝ ընդդեմ ոստիկանության դաժանության։

Սոցցանցերում հանրահայտ երաժշտի համերգի ժամանակ Մակրոնի լուսանկարը կնոջ հետ հրապարակել է իտալացի մոդել Բյանկա Բրանդոլինին։

Համերգը տեղի է ունեցել չորեքշաբթի օրը՝ Փարիզի Accor Arena-ում։ Միևնույն ժամանակ, Նանտերում (Փարիզի արվարձանում) և Ֆրանսիայի մի շարք այլ քաղաքներում երկրորդ գիշերն անընդմեջ անկարգություններ են սկսվել այն բանից հետո, երբ ոստիկանը կրակել և սպանել է 17-ամյա երիտասարդի։

Մակրոնի այցը համերգին երկրում սոցիալական լարվածության ֆոնին արժանացել է ընդդիմադիր քաղաքական գործիչների քննադատությանը: Ֆրանսիացի Եվրախորհրդարանի պատգամավոր Թիերի Մարիանին ասել է, որ, իր կարծիքով, «Մակրոնն իրեն տհասի պես է պահում»։

«Այն ժամանակ, երբ Ֆրանսիան այրվում է, Մակրոնը Ներքին գործերի նախարարի կամ ոստիկանության կողքին չէ, նա նախընտրում է ծափահարել Էլթոն Ջոնին։ Յուրաքանչյուրն ունի իր առաջնահերթությունները։ Որքան անպատասխանատու է», - գրել է քաղաքական գործիչը Twitter-ում։

Նախագահի անպատշաճ արարքի վրա ուշադրություն է հրավիրել նաև ծայրահեղ աջ «Ազգային հանրահավաք» կուսակցության պատգամավոր Ժան Ֆիլիպ Տանգին։ «Մինչ Ֆրանսիան այրվում է՝ չնայած անկարգությունները ճնշելու իրավապահ մարմինների ջանքերին, Էմանուել Մակրոնը գնացել է Էլթոն Ջոնի համերգին»,- գրել է նա Twitter-ում։

Այս թեմայով Անկեղծ ասած, ինձնից շատ բան չի մնացել. Էլթոն Ջոն Արևմուտքի՝ 21-օրյա հրադադարի պահանջի ֆոնին՝ Նեթանյահուն կարգադրել է թուլացնել Լիբանանի ուղղությամբ հարվածները Փարիզում հանդիսավոր ընդունելություն է կազմակերպվել Հայաստանի Հանրապետության անկախության 33-րդ տարեդարձի կապակցությամբ Փարիզում հանդիսավոր ընդունելություն է կազմակերպվել Հայաստանի Հանրապետության անկախության 33-րդ տարեդարձի կապակցությամբ Փարիզում հանդիսավոր ընդունելություն է կազմակերպվել Հայաստանի Հանրապետության անկախության 33-րդ տարեդարձի կապակցությամբ