Կոլիզեումի ներկայացուցիչը մեկնաբանել է Ցուկերբերգի և Մասկի միջև ամֆիթատրոնում մենամարտի մասին լուրերը

Հռոմեական Կոլիզեումում ամերիկացի միլիարդատերեր Իլոն Մասկի և Մարկ Ցուկերբերգի միջև մենամարտ չի կարող լինել։ Այս մասին հայտնում է ТАСС-ը՝ հղում անելով ամֆիթատրոնի ներկայացուցչին։

«Դա անհնար է, քանի որ Կոլիզեումում անցկացվում են բարձր մշակութային մակարդակի միջոցառումներ և բացառապես բարեգործական նպատակներով միջոցներ հայթայթելու նպատակով»,- ասել է գործակալության զրուցակիցը։

Իտալիայի մշակույթի նախարարության աղբյուրները հերքել են, որ սրա վերաբերյալ հարցումներ են ստացել շահագրգիռ կողմերից: Գերատեսչությունում գործակալությանը հայտնել են, որ այս լուրը լիովին կեղծ է, և լրատվամիջոցների ուշադրությունը վկայում է իտալական մշակութային ժառանգության հանրաճանաչության մասին։

Մինչ այս, TMZ Sports-ն, հղում անելով իր աղբյուրին, հայտնել էր, որ Իտալիայի կառավարության պաշտոնական ներկայացուցիչը կապ է հաստատել Meta-ի ղեկավար Մարկ Ցուկերբերգի հետ՝ Tesla-ի և SpaceX-ի հիմնադիր Իլոն Մասկի հետ հռոմեական Կոլիզեումում մենամարտ կազմակերպելու հարցով։