«Գահերի խաղի» աստղեր Հարինգթոնը և Լեսլին երկրորդ անգամ ծնողներ են դարձել

Լույս աշխարհ է եկել «Գահերի խաղի» աստղեր Քիթ Հարինգթոնի և Ռոուզ Լեսլիի երկրորդ երեխան, հաղորդում է Page Six-ը։

«Նրանք ուրախ են հայտարարելու, որ փոքրիկ աղջկա ծնողներ են դարձել»,- լրագրողներին ասել է Հարինգթոնի ներկայացուցիչը։

Քիթ Հարինգթոնը և Ռոուզ Լեսլին ծանոթացել են «Գահերի խաղի» նկարահանման հրապարակում 2011 թվականին: Նրանց մոտ շուտով սիրավեպ է սկսվել: Աստղերը նշանադրության մասին հայտարարել են 2017 թվականին, իսկ 2018 թվականին ամուսնացել են։ 2021 թվականի փետրվարին զույգը որդի ունեցավ, ում անունը մինչ օրս գաղտնի են պահում։