Բրիթնի Սփիրսի որդիները չեն ցանկանում տեսնել իրենց մորը

Ամերիկացի երգչուհի Բրիթնի Սփիրսի որդիները դեռ չեն որոշել, թե արդյոք ցանկանում են տեսնել իրենց մորը նախքան Կալիֆոռնիայից Հավայի տեղափոխվելը։ Այդ մասին գրում է TMZ-n։

Ըստ աղբյուրի՝ արտիստի նախկին ամուսինը՝ Քևին Ֆեդերլայնը, խրախուսում է իր որդիներին տեսակցել Սփիրսին՝ նախքան հաջորդ ամիս իրենց տեղափոխությունը, սակայն ճնշում չի գործադրում նրանց վրա:

Ավելի վաղ Բրիթնի Սփիրսը պատասխանել էր նախկին ամուսնու սպառնալիքներին և ստորագրել երկու որդիների տեղափոխության թույլտվությունը։ Մինչ այս Ֆեդերլայնը երեխաների պատճառով կատարողին սպառնացել էր նոր դատավարությամբ։ Նա որդիներին տեղափոխելու թույլտվության կամավոր տրամադրման համար վերջնաժամկետ էր նշել մինչև հունիսի 2-ը։