«Հրապարակ». Ո՞վ է Առողջապահության եւ աշխատանքի տեսչական մարմնի ստվերային ղեկավարը
Հայկական Մամուլ
«Հրապարակ» թերթը գրում է. «Առողջապահության եւ աշխատանքի տեսչական մարմնից լուրջ դժգոհություններ ենք ստանում՝ պետի ԺՊ Սլավիկ Սարգսյանն իրավիճակին, մեղմ ասած, չի տիրապետում, հիմնարկը ստվերային ղեկավարում եւ նրա «ոտքի տակը» փորում է տեղակալը՝ Վահագն Գրիգորյանը։ Մարդ, որի մասին համացանցում գրեթե տեղեկատվություն չկա, բայց ամբողջ կյանքում լավ պաշտոններ է զբաղեցրել։ Նա համարվում է Երեւանի քաղաքապետի տեղակալ, նախկին սոցապփոխնախարար Ստեփան Մաչյանի հովանավորյալը։
Մաչյանը Զարուհի Բաթոյանի քրոջ ամուսնու եղբայրն է, նրա շնորհիվ էլ թերեւս փոխնախարար էր նշանակվել եւ հենց այդ ժամանակ էլ Վ․ Գրիգորյանին իր մոտ նախարարությունում աշխատանքի ընդունել՝ որպես Ճանապարհային դեպարտամենտի ղեկավար, իսկ քաղաքապետարան տեղափոխվելուց հետո էլ Գրիգորյանին իր հետ տարել է նախ Զարգացման եւ ներդրումային ծրագրերի վարչության պետ, իսկ այս տարվա մարտից՝ տեսչական մարմին։ Վահագն Գրիգորյանը հավակնում է պետի պաշտոնին։
Նա այլ հզոր հովանավոր էլ ունի՝ Վճռաբեկ դատարանի նախագահ Լիլիթ Թադեւոսյանը նրա կինն է։ Իսկ Թադեւոսյանն այս իշխանության «սրտի դատավորներից է»՝ բարձր վստահություն վայելող, չնայած Մարտի 1-ի գործերից հայտնի դատախազ Զելիմ Թադեւոսյանի դուստրն է։ Լիլիթ Թադեւոսյանի 2022թ․ գույքի, եկամուտների եւ ծախսերի հայտարարագրում Վահագն Գրիգորյանն էլ կա՝ ամուսնու եկամուտներն էլ են ներկայացված»:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
