ԱՄՆ-ում զանգվածային հրաձգություն է տեղի ունեցել. կա 4 զոհ, 2 վիրավոր

ԱՄՆ Ֆիլադելֆիա նահանգում 40-ամյա տղամարդը զանգվածային հրաձգություն է կազմակերպել փողոցում, ինչի հետևանքով՝ չորս մարդ է սպանվել։ Եվս երկու երեխա վիրավորվել է, հայտնում են տեղական լրատվամիջոցները։

Դեպքի վայր ժամանած ոստիկանները սկսել են հետապնդել կրակողին։ Որոշ ժամանակ անց նա հանձնվել է ու բերման ենթարկվել։ Նրանք հայտնաբերել են «AR» հրացան, մի քանի պահունակ՝ պարկուճներով, ատրճանակ և ոստիկանական սկաներ։ Նրա հետ մեկտեղ բերման է ենթարկվել ևս մեկ անձ, ով պատասխան կրակ է բացել կասկածյալի ուղղությամբ։

Այս պահին վիրավորների՝ 2 և 13 տարեկան տղաների վիճակը կայուն է։ Նրանք հիվանդանոցում են։

Վերջին օրերին սա արդեն երկրորդ զանգվածային հրաձգությունն է ԱՄՆ-ում։ Ավելի վաղ նմանատիպ դեպք էր տեղի ունեցել Բալթիմորում, որի հետևանքով՝ 2 մարդ զոհվեց, 28-ը վիրավորվեց։