Ժորա Գրիգորյանը՝ ծանրամարտի Եվրոպայի պատանիների չեմպիոն

Հայաստանի ծանրորդ Ժորա Գրիգորյանն առաջին ոսկե մեդալը նվաճեց մեր թիմի համար Մոլդովայի մայրաքաղաք Քիշնևում ընթացող ծանրամարտի Եվրոպայի պատանեկան առաջնությունում:

Մեր 61 կգ քաշային մարզիկը 17 տարեկանների մրցաշարում երկամարտում ցույց տվեց 244 կգ արդյունք և գրավեց 1-ին տեղը: Նա ոսկե մեդալ նվաճեց նաև հրում վարժությունում (135 կգ), իսկ ահա պոկում վարժությունում (109 կգ) նա գրավեց 3-րդ տեղը և արժանացավ բրոնզե մեդալի:

Նույն քաշային կարգում հանդես եկած մեր մյուս ծանրորդը՝ Սամվել Մարտիրոսյանը, երկամարտի 234 կգ արդյունքով գրավեց 4-րդ հորիզոնականը:

Նշենք, որ Հայաստանի ծանրորդ Կառլեն Դավթյանն (49 կգ) իր քաշային կարգում զբաղեցրել է 3-րդ տեղը:

Հուլիսի 5-ին մերոնցից մրցասպարեզ կմտնեն 67 կգ քաշային Սերյոժա Բարսեղյանը և 40 կգ քաշային Յուղաբեր Ամրոյանը: