Ալիևն ու Թուրքիայի ԱԳ նախարարը քննարկել են հայ-ադրբեջանական կարգավորումը

Ադրբեջանի նախագահ Իլհամ Ալիևն ընդունել է Թուրքիայի արտգործնախարար Հաքան Ֆիդանին, գրում է APA-ն։

Ի թիվս այլ հարցերի՝ մտքերի փոխանակություն է տեղի ունեցել նաև տարածաշրջանային խնդիրների շուրջ։

Ալիևը խոսել է Հայաստանի և Ադրբեջանի միջև հարաբերությունների կարգավորման, Հարավային Կովկասում կայուն խաղաղության և անվտանգության ապահովմանն ուղղված գործընթացների մասին։

Նշվել է, որ Ադրբեջանն ու Թուրքիան «եղբայրներ են «մեկ ազգ, երկու պետություն»» սկզբունքի հիման վրա, և ռազմական դաշինք ունեն։