Ռուս տղամարդը 10 տարի տառապել է ճարպ գողանալու պատճառով և ներկայացել է ոստիկանություն

ՌԴ Ուստ-Կամչատսկ գյուղում տեղի 48-ամյա բնակիչը ոստիկանություն է ներկայացել խոստովանական ցուցմունքով և հայտնել, որ 10 տարի առաջ խոզի ճարպ է գողացել։ Չորեքշաբթի՝ հուլիսի 5-ին, հայտնում է Lenta.ru-ն։

Այժմ տղամարդը մեղադրվում է գողության մեջ: Քրեական գործ է հարուցվել դեռ 2013թ.-ին, երբ տուժողը հայտնել էր իր բնակարանից վերնազգեստի և երեք կիլոգրամ ճարպի գողության մասին։ Սակայն մեղավորին չէին կարողացել գտնել եւ 2014 թվականին հետաքննությունը կասեցվել էր։

2023 թվականի հուլիսի 2-ին տեղի բնակիչներից մեկը խոստովանել է հանցանքը։ Նա մանրամասն նկարագրել է հանցագործության հանգամանքներն ու բնակարանում տիրող իրավիճակը, ինչպես նաև խոստովանել է, որ իրերը փոխանակել է ալկոհոլի հետ, իսկ խոզի ճարպը կերել է։ Տղամարդը բացատրել է, որ ոստիկանություն է եկել քնի հետ կապված խնդիրների և խղճի խայթի պատճառով։ Նա փոխհատուցել է վնասը և ներողություն խնդրել տուժողից։ Քրեական գործն ուղարկվել է դատարան։