Ադրբեջանը ակնկալիքներ ունի օտարել Հայաստանից տարածքներ. ի՞նչ է անում ՀՀ- ն՝ դադարեցնելու Ադրբեջանի զավթողական քաղաքականությունը

ՀՀ ԱԳՆ խոսնակ Անի Բադալյանը Թվիթերի իր էջում գրել է․ «Բաքվի հեռուստատեսությունը Հայաստանը, ներառյալ մայրաքաղաք Երևանը, եղանակի տեսության ժամանակ ներկայացնում է որպես Ադրբեջան։ Հարևան երկրի ինքնիշխանության նկատմամբ տարածքային հավակնությունների ևս մեկ բացահայտ քարոզչություն։ Հիվանդ պատրանքները և թշնամական հռետորաբանությունը պետք է կտրականապես մերժվեն»:

ԼՈՒՐԵՐ.com-ի հետ զրույցում ադրբեջանագետ Արմինե Ադիբեկյանը ասաց, որ դրա մասին խոսվում է արդեն հինգ տարի. «Ես զարմանում եմ, թե ինչի վրա է զարմանում ԱԳՆ խոսնակը»։

Ադիբեկյանը ասաց` ինչպես ինքն է հասկանում ԱԳՆ խոսնակը Ալիևի մասին չի լսել, կարդացել և հիմա նկարներից է եզրակացնում, որ Ադրբեջանը ակնկալիքներ ունի օտարել Հայաստանից տարածքներ. «Երբ խելացի, գրագետ փորձագետները զգուշացնում էին, որ Ադրբեջանի հետ այն քաղաքականությունը, որը վարում են այս իշխանությունները կործանարար է և Ադրբեջանը Արցախով չի եզրափակվելու մեզ անտեսում, դատի էին տալիս։ Ալիևը տարիներ շարունակ կրկնել է և խոստացել իր ժողովրդին, որ նրանք խլելու են Հայաստանից` Սյունիքը, Գեղարքունիքը, Տավուշը, Երևանը։ Ադրբեջանի պատմական առաքելությունն է ոչնչացնել Հայաստանը, հայերին վռնդել Հայաստանից և այս տարածքները ներառել Ադրբեջանի կազմում»,-ասաց մեր զրուցակիցը։

Այն հարցին, թե Հայաստանը ինչ է անում Ադրբեջանի սադրանքները կանգնեցնելու նպատակով, Ադիբեկյանը պատասխանեց. «ԱԳՆ խոսնակից պետք է հարցնել՝ ինչ են անում նրանք, որ Ադրբեջանի սադրանքները կանգնեցնեն։ Նրանք մեզ այժմ փորձում են համոզել, որ պետք չէ Ադրբեջանին հակառակ գնալ, ջղայնացնել, թե չէ պատերազմ կսկսվի»,-ասաց նա:

«Երբ 2018-ին զգուշացնում էինք, որ այս քաղաքականությունը բերելու է պատերազմի, Սասուն Սարգսյանը և մնացած բոլոր իմքայլականները և իմքայլականամերձ ֆեյքերը ծաղրում էին մեզ։ Ադրբեջանը զավթողական քաղաքականություն ունի, որի ներքո նրանք դաստիարակում են սերունդներ, երբ սահմանը բացվի այդ քաղաքականությամբ դաստիարակված մարդիկ գալու են Հայաստան և շփում ունենան մեր երեխանների հետ, այդ դեպքում ով է մեզ պաշտպանելու: Հարց ՀՀ իշխանություններին դուք ինչ եք պատրաստվում անել, որ դադարեցվի Ադրբեջանի զավթողական քաղաքականությունը, որի ներքո նրանք դաստիարակում են սերունդներ»,- եզրափակեց Ադիբեկյանը: