Շիրակցի պատանի երկրապահները մեկնել են ամառային ճամբար

Շիրակի մարզպետ Մուշեղ Մուրադյանը աշխատակազմի պատասխանատուների հետ այսօր Գեղարքունիքի մարզում գտնվող ԵԿՄ «Պատանի երկրապահ» ուսումնամարզական ճամբար է ճանապարհել շիրակցի պատանի երկրապահներին։

Գյումրի քաղաքից, Աշոցքից ու Ամասիայից հանգստի են մեկնել 112 դպրոցականներ։

Պատանի երկրապահների ուսումնավարժական և հանգստյան ճամբարում դպրոցականները կանցկացնեն 10 օր։

Շիրակի մարզպետը բարի ճանապարհ ու հաճելի հանգիստ է մաղթել պատանի երկրապահներին՝ կարևորելով ուսումնական բանակումին նրանց մասնակցությունն ու հայրենիքի հանդեպ սերն ու պատասխանատվությունը։