Քիմ Քարդաշյանը Dolce & Gabbana-ի ցուցադրությանը ներկայացել է «ճմրթված» մանուշակագույն զգեստով (լուսանկարներ)

Քիմ Քարդաշյանը մանուշակագույն զգեստ է ընտրել՝ մասնակցելու Իտալիայի Ապուլիա շրջանում կայանալիք Dolce & Gabbana-ի Alta Moda ցուցադրությանը։ Այդ մասին գրում է Daily Mail-ը։

Քարդաշյանների ռեալիթի շոուի 42-ամյա աստղը լուսանկարիչների համար կեցվածք է ընդունել այդ հանդերձանքով։ Զգեստը կարված է եղել ատլասե գործվածքից, որը «ճմրթված» էֆեկտ է ստեղծել։

Քարդաշյանը զգեստին ավելացրել է մի զույգ թափանցիկ ձեռնոց, ձախ ձեռքի ցուցամատին դրել է հսկայական շողշողացող արծաթե մատանի։ Նրա կերպարի ուշագրավ տարրը մեծ ադամանդե վզնոցն է՝ մանուշակագույն շափյուղայով:

Քիմ Քարդաշյանը միջոցառմանը ներկայացել է մոր՝ Քրիս Ջեների հետ։

Աստղը մի քանի տարի է, ինչ համագործակցում է իտալական նորաձևության տան հետ։

Փետրվարին Քիմ Քարդաշյանը հայտնվեց Dolce & Gabbana բուտիկում, ապա նորաձևության ցուցադրությանը, իսկ հետո գնաց բրենդի մասնավոր երեկույթին՝ Միլանի նորաձևության շաբաթվա շրջանակներում։ Անցյալ տարվա սեպտեմբերին նա հանդես էր գալիս՝ որպես Dolce & Gabbana-ի նոր հավաքածուի ստեղծման հրահանգիչ: