Որ օգտակար մթերքներն են թուլացնում սովի զգացումը
Ժամանց
Կան մթերքներ, որոնք ճնշում են սովի զգացումը և միաժամանակ օգուտ են բերում օրգանիզմին։ Այս մասին Газета.Ru-ին հայտնել է գաստրոէնտերոլոգ Ալլա Ներուլինան։
«Բջջանյութով հարուստ մրգերը (օրինակ՝ խնձորը) կատարելապես թուլացնում են սովի զգացումը և շատ օգտակար են։ Օգնում են պահպանել աղիների օպտիմալ միկրոֆլորան, պայքարել բորբոքումների դեմ, իսկ կանոնավոր օգտագործման դեպքում՝ դիմակայում են փորկապությանն ու դիսբակտերիոզին, նորմալացնում են արյան մեջ շաքարի մակարդակը», - ասել է բժիշկը:
Գաստրոէնտերոլոգը նշել է, որ ընդեղենը նույնպես բջջանյութի մեծ պաշար ունեն, սակայն դրանք բարձր կալորիականությամբ մթերք են, ուստի պետք է չափավոր ուտել։
«Կոճապղպեղը՝ որպես թեյի կամ սննդի հավելում, օգնում է նվազեցնել ախորժակը։ Կոճապղպեղով խառնուրդը օգնում է նվազեցնել լեպտինի մակարդակը (ճարպային հյուսվածքի հորմոն), որն ազդում է ախորժակի նվազման վրա։ Բացի այդ, կանաչ թեյը և դրա մեջ պարունակվող կոֆեինը օգնում են նվազեցնել ախորժակը և խթանել նյութափոխանակությունը»,- ասել է Ալլա Ներուլինան։
Բժիշկը հավելել է, որ հավկիթը նույնպես հագեցածության զգացողություն է հաղորդում հեշտ մարսվող սպիտակուցի շնորհիվ։
Ամենադիտված 
Մնաս բարյավ. Րաֆֆի Հովհաննիսյան
