Մոսկվայում սպասում են Ալիև-Փաշինյան հանդիպման արդյունքներին
Արտաքին Քաղաքական
Մոսկվան աջակցում է ցանկացած կառուցողական միջնորդության, որը կհանգեցնի Բաքվի և Երևանի միջև խաղաղության, NEWS.ru-ի հետ զրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։ Այսպես է նա արձագանքել հուլիսի 15-ին Բրյուսելում նախատեսված Եվրոպական խորհրդի նախագահ Շառլ Միշելի միջնորդությամբ վարչապետ Նիկոլ Փաշինյանի հետ Ադրբեջանի նախագահ Իլհամ Ալիևի հանդիպումը մեկնաբանելու խնդրանքին։ Նրա խոսքով, վաղաժամ է որևէ եզրակացություն անելը։
«Մենք աջակցում ենք ցանկացած կառուցողական միջնորդության, որը տանում է դեպի կայուն խաղաղություն: Ուստի, անհրաժեշտ է հանդիպման արդյունքների հիման վրա եզրակացություններ անել»,- ասել է Զախարովան։
Ինչպես տեղեկացրել ենք, ավելի վաղ Նիկոլ Փաշինյանը հայտնել է, որ հուլիսի 15-ին «Բրյուսելյան ձևաչափով» եռակողմ հանդիպում կկայանա։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
