5 տարիների ընթացքում չի հիմնավորել որևէ իրավախախտում, որը կատարել է Վ. Գասպարյանը․ պաշտպանական խումբ
Իրավունք
Վլադիմիր Գասպարյանի պաշտպանական խումբը հայտարարություն է տարածել․
«Այսօր Հակակոռուպցիոն կոմիտեն լալահառաչ նյութ է տարածել, որտեղ խոսել է հերթական «բացահայտումների» մասին: Ավելորդ ենք համարում արձանագրել, որ մեղադրանքները իրականության հետ աղերսներ չունեն:
Եթե ինչ-որ մեկը ինչ-որ բան լվացել է, ապա վստահաբար ոչ Վլադիմիր Գասպարյանը և ոչ փողեր, այլ Հակակոռուպցիոն կոմիտեն և հանրության ուղեղները: Անցնող 5 տարիների ընթացքում հնարավոր չի եղել հիմնավորել որևէ իրավախախտում, որը կատարել է Վ. Գասպարյանը, հակառակը՝ մենք կարող ենք տեսնել դատավճիռեր և վճիռներ, որ Վ.Գասպարյանը և իր ընտանիքը ծառայել են և վաստակել բյուրեղյա մաքրությամբ: Հակակոռուպցիոն կոմիտեի հայտարարությունը առնավազն հեռու է իրականությունից և լուծել է օրվա լրահոսի վերնագրերի հարցը:
Նյութը տեղադրողները շատ արագ են մոռացել այն արագությունը, որով Հակակոռուպցիոն կոմիտեի ղեկավարները փախուստի են դիմել, երբ Վ. Գասպարյանին տեսել են Կոմիտեի շենքում: Կոչ ենք անում զերծ մնալ չփաստարկված հրապարակումներ կատարելուց և փորձել դատավարական ընթացակարգերով աղերսել մեղադրական այն ակտերը, որոնք չեն լինելու»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
