Հրապարակվել է Սիմոնյանի և Սոբչակի դեմ մահափորձ նախապատրաստող անձանց ձերբակալության տեսանյութը

ՌԴ Անվտանգության դաշնային ծառայությունը (ԱԴԾ) ցուցադրել է  նեոնացիստների ձերբակալության կադրերը, որոնք մտադիր էին մահափորձ կատարել լրագրող Քսենյա Սոբչակի և Russia Today հեռուստաալիքի գլխավոր խմբագիր Մարգարիտա Սիմոնյանի դեմ։ Այս մասին հայտնում է  ՌԻԱ Նովոստին։

ԱԴԾ–ն պարզաբանել է, որ հուլիսի 14-ին Մոսկվայում և Ռյազանի շրջանում բերման են ենթարկվել նեոնացիստական ​​«Պարագրաֆ-88» խմբավորման անդամները, ովքեր հետևել են լրագրողներին նրանց աշխատանքի վայրում և բնակության հասցեներում։ Ազգայնական կազմակերպությունների վեց անդամներից մի քանիսը, ովքեր կասկածվում են ռուսաստանցի կանանց սպանության փորձի մեջ, անչափահաս են։