Հայաստանում օդի ջերմաստիճանը կրկին կնվազի. սպասվում է կարճատև անձրև և ամպրոպ

Ցերեկը և վաղը՝ հուլիսի 17-ին, Հայաստանի առանձին շրջաններում սպասվում է կարճատև անձրև և ամպրոպ, առանձին հատվածներում` նաև կարկուտ։ Հայտնում է Հիդրոօդերևութաբանության և մոնիտորինգի կենտրոնը։

Ամպրոպի ժամանակ քամու ուժգնությունը կհասնի 18-23 մ/վրկ արագության։

«Օդի ջերմաստիճանը հուլիսի 16-17-ին աստիճանաբար կնվազի 3-5 աստիճանով»,-ասված է հաղորդագրության մեջ։

Հուլիսի 18-20-ին սպասվում է առանց տեղումների եղանակ։

Այսօր և վաղը կարճատև անձրև և ամպրոպ է սպասվում նաև Երևանում, ամպրոպի ժամանակ և երեկոյան ժամերին՝ քամու ուժգնացում՝ 17-20 մ/վրկ արագությամբ։

Հուլիսի 16-ին մայրաքաղաքում ցերեկային ժամերին կգրանցվի 28-30, գիշերը` 15-17 աստիճան տաքություն։