Երևանի շենքերից մեկի մոտ ծառը կոտրվել և ընկել է ճանապարհի երթևեկելի հատված

Հուլիսի 18-ին, ժամը 02։20-ին Ճգնաժամային կառավարման ազգային կենտրոն ահազանգ է ստացվել, որ Երևանի Ս․ Տարոնցու փողոցի թիվ 1/1 շենքի մոտակայքում ծառը կոտրվել և ընկել է ճանապարհի երթևեկելի հատված՝ մասամբ փակելով այն։

Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Փրկարարները ծառը հեռացրել են ճանապարհի երթևեկելի հատվածից։