Բաբկեն Թունյանը նկարահանել է ԱԺ պատգամավորների գզվռտոցներից բողոքող Ջուլիկ տատին (տեսանյութ)

Սա էլ Ջուլիկ տատին՝ իր ֆեյսբուքյան էջում գրել է ՔՊ-ական պատգամավոր Բաբկեն Թունյանը և տեսանյութ է հրապարակել կնոջ մասնակցությամբ։ Մեկնաբանության մեջ  Թունյանը մանրամասնել է.

«Վերջերս ԱԺ գալիս Դեմիրճյան փողոցի վրա այս տատիկը ձայն տվեց, ասաց, որ մեր բոլոր նիստերը նայում է ու խնդրեց, որ իմ անունից պատգամավորներին փոխանցեմ՝ ամոթ է, երկիրն այս վիճակում, մենք ինչ ենք անում, ոնց ենք իրար բզկտում...
Անցած նիստերից մեկի ժամանակ ամբիոնից փոխանցեցի նրա խոսքերը:

Այսօր ԱԺ գալիս նորից հանդիպեցինք: Տեսել էր, ու հարցնում էր՝ բան կփոխվի՞: Ասացի՝ տեսնենք:

Հաջորդ անգամ իմ հարևան Պողոսի խոսքերն եմ փոխանցելու, չնայած ոմանց կարող է դուր չգալ»։