ՊՆ վարչական շենքի մոտ բախվել են Renault-ը և Suzuki մոտոցիկլը․ մոտոցիկլավարը տեղափոխվել է հիվանդանոց

Ժամը 16։00-ի սահմաններում Բագրևանդի փողոցում` ՀՀ Պաշտպանության նախարարության հարևանությամբ, բախվել են Suzuki մոտոցիկլն ու Renault մակնիշի ավտոմեքենան, գրում է Shamshyan.com-ը։

Բախման հետևանքով մոտոցիկլը կողաշրջվել է, մոտոցիկլավարն էլ ծայրահեղ ծանր վիճակում տեղափոխվել է Երևանի «Սուրբ Գրիգոր Լուսավորիչ» բժշկական կենտրոն։ 

Վիրավորին առաջինն օգնության են հասել ՀՀ ՊՆ ծառայողները և օպերատիվորեն ժամանած շտապօգնության բժիշկների հերթապահ խումբը։

Դեպքի փաստով քննչական բաժնում նախաձեռնվել է վարույթ:

Պարեկային ծառայությունն ու քննչական բաժինը պարզում են վարորդի և հիվանդանոց տեղափոխված մոտոցիկլավարի ինքնությունը։