Անտոն Քոչինյան փողոցում գտնվող շենքի տանիքում բռնկված հրդեհը մեկուսացվել է

Հուլիսի 20-ին, ժամը 22:11-ին Ճգնաժամային կառավարման ազգային կենտրոն ահազանգ է ստացվել, որ Երևանի Անտոն Քոչինյան փողոցում գտնվող շենքերից մեկի տանիքից ծուխ է նկատվում:

 

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երեք մարտական հաշվարկ, երկու ավտոսանդուղք, Ճգնաժամային կառավարման ազգային կենտրոնի և Հրդեհաշիջման և փրկարարական աշխատանքների կազմակերպման բաժնի օպերատիվ խմբերը:

 

Պարզվել է, որ շենքի տանիքում բռնկված հրդեհը տարածվել է 9-րդ հարկի բնակարաններից մեկի բաց պատշգամբ:

 

Հրդեհը մեկուսացվել է ժամը 23:14-ին:

 

Դեպքի վայրում է գտնվում ՆԳՆ փրկարար ծառայության տնօրեն, փ/ծ գնդապետ Կամո Ցուցուլյանը:

Shamshyan-ի հաղորդմամբ՝  ըստ նախնական տեղեկությունների, հրեդհի հետևանքով, բարեբախտաբար տուժածներ չկան:

Աղբյուրի տեղեկություննրով՝ կրակը բռնկվել է տանիքից և այն տարածվել է միչև 9-րդ հարկ, այրվել են մի քանի լուսամուտներ, դռներ և միայն հրշեջների օպերատիվ գործողությունների արդյունքում է, որ կանխվել է կրակի տարածումը մնացած հարկեր: 

Թե ինչն է եղել հրդեհի պատճառը, պարզվում է, սակայն տեղեկությունները հաստատվել է, որ այն գազի հետ կապ չունի, այսինքը՝ գազի արտահոսք նշված վայրում տեղի չի ունեցել: Հավանական վարկածներից մեկը կամ անփութությունն է կամ էլեկտրալալերի կարճ միացումը, նշում է կայքը: